“Mahirap. Komplikado.”

Ilang buwan at araw na ring naglalaro ang mga salitang ito sa isip ni Maya.

Hindi pa rin nasagot ang mga tanong n’ya.

Nagbukas. Nagsara. Napagod muli ang pusong akala’y bato na.

“Pasens’ya na kung hindi na matingnan pa. Baka mapaso lang ang mga mata. Maraming beses na ring natunaw at ayaw nang maulit pa. Masakit. Mahapdi. Nakakabulag. Manhid na rin nga yata.”

Paumanhin kung nagmahal sa panahong hindi dapat.

Paumanhin kung nangahas at umasa.

“Dahil sa kabila ng dilim at kalugmukan, iyan ang mas piniling madama,” sambit ni Maya.